عادات غلط ماشية في مجتمعنا

السلام عليكم ورحمة الله وبركاته

ممكن عنوان الموضوع يتير الانتباه شوية لان فعلا موضوع مهم ويمس مجتمعنا ولا نعيير إليه ادني أهتمام واليوم ان شاء الله حيكون موضوعي علي علي حاجة في عاداتنا حاجة غلط ماشية فينا ومن وجهة نظر اغلب الناس انها صح ومافيها شي بينما هيا عادة المفروض نراجعوا نفسنا فيها

موضوعي علي ولاد العم والعمة وبنات العم والعمة وولاد الخال والخالة وبنات الخال والخالة في مناسباتنا وأعيادنا وأفراحنا .
اعتقد ان الناس ساهية علي دينها ومتعرفش الصح من الغلط ويدروا في العادة هده وهما ينظروا فيها انها صح

وهده مجموعة من النقاط او الملاحظات التي يجب علي مجتمعا ان يراجع نفسه فيها وخاصة علي المستوي الديني والتي اطرحها للنقاش:-

·علي اساس انت سلمت علي بنت خالتك او بنت عمك وعلي اساس انتي سلمتي علي ولد خالتك او ولد عمك هل متعرفش ان هدا من باب الدين حرام شرعا .
·وهل يجوز لي اختك تقعمز مع ولد عمك او ولد خالتك وتهدرز معاه حتي ولو كان النقاش من باب الهدرزة فقط وكان الحديت محترم.

·و لما تقعمز تهدرز مع بنت عمك ولا بنت خالتك وتهدرز معاها انت كيف تشوف في نفسك هل حاسبت نفسك هل انت مش متوقع ان بنت خالتك او بنت عمك تبدا تفكر فيك وتبدا معاها امور تانية هل انت متعرفش ان هدا من باب الدين شنو يقول علي المحارم .
· وإدا ولد خالتك ولا ولد عمك يرفع اختك في السيارة معاه وهما الزوز فقط من اي باب انت قبلت الشي هدا ؟؟
طبعا تسطيع ان تقول لي
( ايه بتقولي عادي هدا ولد خالتها ولا ولد عمتها شنو فيها )

·وهل اطلعت علي احاديث للرسول الله صلي الله عليه وسلم
بان لا تجوز المصافحة للمرأة الأجنبية ولو كانت بنت عمك أو بنت خالتك أو زوجةأخيك :-
يقول النبي - صلى الله عليه وسلم -: (إني لا أصافح النساء)
قول رسول الله صلى الله عليه وسلم : ( اتق المحارم تكن أعبد الناس )
وعن عائشة رضي الله عنها: أن هند بنت عتبة قالت: يا نبي الله! بايعني؟ فنظر إلى يدها فقال: ( لا أبايعك حتى تغيري كفيك كأنهما كفا سبع )
يعني حرام شرعا ولا يجوز هدا .

اخوتي اعضاء هندسة نت اطرح عليكم هدا الموضوع للنقاش والدي اتمني ان ينال أعجابكم وأري وجهت نظركم في الموضوع .

ارجوا منكم ان تشاركوا وابداء رأيكم في الموضوع

فعلاالله يكرمك يا أ. عبدالعزيز على هذا الموضوع الجميل
مواضيع مقيدة